Türk rejissoru Nuri Bilgə Ceylanın 67-ci Kann kinofestivalında "Qızıl Palma budağı" uğrunda yarışan "Qış yuxusu" filmində çəkilmiş Nejat İşlər səhhətindəki problemlərə görə festiavala getməyəcəyi ilə bağlı yayılmış xəbərlərə münasibət bildirib.

Axşam.az Türkiyə mətbuatına istinadən xəbər verir ki, xəstəxanadan çıxandan sonra yavaş-yavaş özünə gəlməyə başlayan aktyor dünən İstanbul  restoranlarının birində həmkarı Məltəm Cumbulla görüşüb.

Bir müddətdən sonra restorandan çıxan N.İşlər müxbirlərin festivalla bağlı suallarına cavab olaraq "Narahat olmayın, mən də festivala gedirəm" deyib.