ATV telekanalında yayımlanan “Məni yarımdan soruş” yarışmasının daha bir mərhələsi başa çatıb.

Axşam.az-ın məlumatına görə, aparıcılığını Zaur və Günay Baxşəliyevlərin etdiyi verilişdə uduşa qoyulan avtomobili bu dəfə Aytən və Ayaz adlı cütlük qazanıb.

“Gündəlik” verilişinə qonaq olan qaliblər yarışdan danışıblar. Aytən həyat yoldaşının avtomobili ona verəcəyini bildirib:

“Finaldakı heyvanlarla olan yarış gözümün önündən getmir. Çox dəhşətli idi. Həyat yoldaşım söz vermişdi ki, maşını udsaq, mənə verəcək. Sözünə əməl edir”.

Qeyd edək ki, “Məni yarımdan soruş”, ATV kanalı və “Renk Medya”nın birgə layihəsidir. Veriliş bu günə kimi üç cütlüyü avtomobil sahibi edib.