İTV-də yayımlanan “Yeni sədalar” verilişinin növbəti buraxılışı efirə gedib.

Axşam.az-ın məlumatına görə, aparıcılığını Kamran Quliyevin etdiyi proqramın yeni sayında müğənni Mila və Nurlan Təhməzli qonaq olub. Yeniliklərindən danışan sənətçilər sevilən mahnılarını səsləndiriblər. Verilişin “1/4” rubrikası bu dəfə fərqli və maraqlı hazırlanıb. Canlı yayımda tamaşaçılar, “Rumba fiesta” qrupunun solistləri Məsut və Elşənin ifasında gözəl mahnılar dinləyiblər.

Qeyd edək ki, "Yeni sədalar" verilişi hər həftənin çərşənbə axşamı saat 13:45-də, cümə axşamı isə 15:15-də canlı yayımlanır.