Fransız sahibkar Fransuaza Bettancur Meyers sərvəti ilə ilkə imza atıb. 

Axşam.az xəbər verir ki, o, dünyanın 100,2 milyard dollar sərvəti olan ilk qadını olub.

Bu barədə “Bloomberg” məlumat yayıb. Bildirilib ki, “L'Oréal“ şirkətinin varisi olan xanımın sərvəti səhmlərinin rekord həddə bahalaşması sayəsində mümkün olub.

Dünyanın ən zəngin insanları arasında 12-ci yerdə olsa da, bu, xanımlar arasında bir ilkdir. 

Qeyd edək ki, “L'Oréal“a  “Lancome”, “Yves Saint Laurent”, “Biotherm”, “Garnier” və digər məşhur brendlər daxildir.