Sentyabrın 13-də İzmirdə “ Miss Exclusive of the World 2014” beynəlxalq top model müsabiqəsinin dünya finalı keçiriləcək.

Axşam.az-ın məlumatına görə, müsabiqədə ölkəmizi Tamilla Həmidova təmsil edəcək. Bu haqda hazırda Türkiyədə olan təşkilatçı Aqil Məmiyev məlumat verib. O, 22 yaşlı Tamillanın 2 gündür ki, İzmir şəhərində olduğunu deyib:

"Hazırda iştirakçılar bir-biri ilə tanış olur, müxtəlif oyunlar oynayırlar".

Xatırladaq ki, “Miss Exclusive of the World 2014” müsabiqəsində dünyanın 33 ölkəsindən qızlar iştirak edir.

Final gecəsi Bakı vaxtı ilə saat 23:00-da “Kral TV”də canlı yayımlanacaq.