Türkiyənin tanınmış yumor ustası Ata Dəmirər Harbiye Açıkhavadakı konsertinin bağlanışını həyat yoldaşı, aktrisa Özgə Borakla edib.
 
Axşam.az “Hürriyet”ə istinadən xəbər verir ki, orkestrin müşayiəti ilə türk musiqisinin unudulmaz əsərlərini səsləndirən aktyor müxtəlif parodiyalar səsləndirib.

Tamaşaçıların dayanmadan onu alqışladığını görən A.Dəmirər səhnədə yunan mahnısının sədaları altında həyat yoldaşı Özgə ilə rəqs edib. Cütlüyün şousu izləyicilər tərəfindən çox bəyənilib.

Məşhur aktrisa Demet Akbağ da tamaşanın bir hissəsində yumor ustası ilə səhnəni paylaşıb.