Təkcə aktrisalığı və yaxşı ana olmasına görə deyil, həm də sadəliyinə görə böyük kütlə tərəfindən sevilən Ancelina Coli yenə də onu sevənlərə qarşı diqqətiylə fərqlənib.

Axşam.az-ın Türkiyə mediasına istinadən verdiyi məlumata görə, Con Stüartın "The Daily Show" verilişinə qonaq olan aktrisa studiyanın girişində onu gözləyən sevənləriylə vaxt keçirib.
 
Çoxlu insan olduğu üçün halı pisləşən bir qadını mühafizəçilər kömək edərək yerə oturdublar. Coli bunu görüncə həmin qadına tərəf gedərək ona qarşı jest edib.

Fanatının ayağa durmasını gözləmədən dizləri üstə enən ulduz xatirə fotosunu özü çəkib.