UNİCEF-in xoşməramlı səfiri olan türkiyəli aktrisa Tuba Büyüküstün ötən gün BMT tərəfindən Uşaq Hüquqları Müqaviləsinin qəbulunun 25-ci ildönümü münasibətilə təşkil olunmuş gecəyə qatılıb.

Axşam.az Türkiyə mətbuatına istinadən xəbər verir ki, aktrisa tədbirə həyat yoldaşı, aktyor Onur Saylakla birlikdə yollanıb. Türkiyənin tanınmış simalarının yer aldığı mərasimdə müğənni Fərhad Göçər sevilən mahnılarını səsləndirib. Bu zaman Onurla Tuba həmin musiqilərin sədaları altında romantik rəqs ediblər. Bununla da tanınmış cütlük boşanacaqları ilə bağlı yayılan xəbərləri inkar etmiş olublar.