Bəstəkar Sevinc Tofiqqızının millət vəkili Qənirə Paşayevanın şeirinə bəstələdiyi növbəti mahnını bu dəfə əməkdar artist Fidan Hacıyeva oxuyub.

S.Tofiqqızı Axşam.az-a açıqlamasında bəstənin “Görmürsən məni” adlandığını deyib:

“Qənirə xanımla işbirliyimiz davam edir. İnanıram ki, Fidan Hacıyevanın oxuyacağı bu mahnı dinləyicilər tərəfindən bəyəniləcək. Çünki Fidan xanım onu çox gözəl oxuyub. Bu, Qənirə xanımın şeirinə bəstələdiyim 9-cu mahnıdır. Hələ bundan sonra da işbirliyimiz davam edəcək".

Qeyd edək ki, mahnının bekvokalını müğənni Leyla Babayeva ifa edib, aranjimanı isə Osman Həmidova məxsusdur.