ATV-nin aparıcısı Samirə Mustafayeva alış-veriş edərkən fotokameramıza tuş gəlib.

Axşam.az-ın əməkdaşı ilə söhbətində aparıcı dəb sevgisindən danışıb. O, hər gün bir libas almasa, evə getmədiyini deyib:

“Mən alış-veriş etməklə nəfəs alıram. Meqapolisi sevirəm. Rayonda, dağlıq yerdə olmağı xoşlamıram. Bir gün rayondan qayıdırdım, axşam saat 20:00 idi. Dedim mən bu cür evə getsəm, əhvalım korlanacaq. Mütləq gedib bir kofta da olsa, almalıyam. Psixoloqlar deyirlər ki, bu, depressiya əlamətidir. Şoppinq məni ayağa qaldırır. Rəngləri qarışdırmağı, uyğunlaşdırmağı xoşlayıram. Gecə yatanda da qarderobumu düşünürəm ki, səhər nəyi geyinim? Nə vaxtsa geyimlər tükənsə, bilmirəm necə olacam. Əhvalım pis olanda mütləq bəzənib harasa getməliyəm”.

S.Mustafayeva gələcəkdə butik açmağı da planlaşdırır:

“Arzumdur ki, Azərbaycanda öz brendimi yaradım. Balaca butik açıb öz zövqümlə trend geyimlər satışa çıxarım. İki ildir bu haqda düşünürəm. Bir az maliyyə tərəfi var. İnsanlar məni İnstaqramda əsasən geyimimə baxmaq üçün izləyirlər. İnanıram ki, xanımlar geyim tərzlərini mənə etibar edərlər. Qızım da özümə oxşayır. Məktəbə hər gün eyni boz rəngli ətək geyinir. Amma hər dəfə fərqli corab seçir ki, bu uyğun gəlir, o yox”.

Foto: Rəşad ABBASOV