Əməliyyat olunmaq üçün ABŞ-a yola düşən türkiyəli müğənni İbrahim Tatlısəs xəstəxanada müayinə edilərkən DHA-nın fotokameralarına tuş gəlib.

Axşam.az-ın məlumatına görə, müğənni 2011-ci ildə İstanbulda silahlı hücum nəticəsində başından güllə yarası alıb. Hazırda o, beyninin sol yarımkürəsində qalmış sümük parçasını əməliyyatla çıxartdırmaq üçün Mayamidədir. Sənətçini Amerikada yaxın dostları və həmkarları tək qoymayıb. Belə ki, ötən gün Sibel Can və oğulları Tatlısəsin ziyarətində olmuşdular.

Qeyd edək ki, Mayamidə 3 ay qalıb əməliyyat öncəsi müalicə edilməli olan İbrahim orada özünə ev və avtomobil də alıb.