Müğənni Zamiq Hüseynov və türkiyəli ifaçı Yusif Güney bir araya gəliblər.

Axşam.az-ın məlumatına görə, “Körpü şou”nun İstanbulda çəkilən növbəti buraxılışında görüşən ifaçılar duet oxuyublar. Verilişdə Yusif Güney Azərbaycan səfərindən danışaraq ölkəmizlə bağlı təəssüratlarını bölüşüb. Aparıcı Aynur Hacıyevanın təqdimatında hazırlanan proqramda müğənnilər maraqlı açıqlamaları və etirafları ilə yadda qalıblar.

Qeyd edək ki, “Körpü şou”nun sözügedən buraxılışı fevralın 8-də, saat 22:45-də “Xəzər” televiziyasında yayımlanacaq.