Müğənni Günay İbrahimli 24 yaşını təmtəraqlı şəkildə qeyd edib.

Axşam.az-ın məlumatına görə, şəhər restoranlarının birində baş tutan mərasimə sənət aləminin tanınmış simaları qatılıb.

Gecənin aparıcılığını bəstəkar-müğənni Murad Arif edib. İndiyədək ad gününü keçirmədiyini deyən sənətçi təəssüratlarını bölüşüb:

“Bu, ilk dəfədir baş verir. Heç indi də qeyd etmək fikrində deyildim. Tomanın (prodüseri Toma Hüseynəliyeva – red.) təkidi ilə bu qərara gəldim. İlk hədiyyəmi də o verdi. Mənə qızıl üzük alıb. Yaşımı söyləməyə utanmıram. Başqaları kimi bunu gizlətməyi düşünmürəm”.

Məclisdə Günaya sürpriz də edilib. Belə ki, pərəstişkarlarından biri ona “Gün və Ay” formasında çiçək göndərib.

Sərvər MEHTİYEV,
Foto: Ramin ASLANOV