Xalq artisti Aygün Kazımova ötən gün “Sus” adlı mahnısına çəkdirdiyi klipini təqdim edib.
Axşam.az-ın məlumatına görə, müğənninin ekran işindəki “fahişə” obrazı müzakirələrə səbəb olub. Bir çoxları A.Kazımovanı bu obrazına görə qınayıb, bəziləri isə onun cəsarətini alqışlayıb.
“Sus” klipi ötən gündən bu yana yüz mindən çox izlənilib. Bəstənin sözləri Vüqar Əbdülov, musiqisi Stefane Mgebruşviliyə məxsusdur. Mahnının ekran həlli rejissor Nestan Sinjikaşviliyə həvalə olunub.