Amerikalı aktyor Kevin Kostner 19 ildən sonra ekranlara geri qayıdır.

Axşam.az xəbər verir ki, o, "Horizon" adlı vesterni (Amerikanın həyatını əks etdirən janr) ekranlaşdırmağa hazırlaşır. Bununla da Kevin 19 ildən sonra ilk dəfə rejissor kürsüsündə əyləşəcək. Eyni zamanda, filmdə əsas obrazlardan birini canlandıracaq.

Çəkilişlər avqustun 29-da Yutada başlayacaq, Kastinqlər isə gələn aydan etibarən start götürəcək.

Qeyd edək ki, K.Kostner son olaraq 2003-cü ildə "Açıq məkan" filmində rol alıb. Onun "Canavarlarla rəqs" filmi "Ən yaxşı film" nominasiyası da daxil olmaqla 7 Oskar qazanıb. Film Amerika Kinoakademiyasının "Qızıl şedevrlər" siyahısına alınıb.