Xalq artisti Aygün Kazımova ona məxsus rəsmi İnstaqram səhifəsində həmkarı haqqında təhqiramiz ifadələr işlədib.

Axşam.az “Qafqazinfo”ya istinadən xəbər verir ki, xalq artisti İnstaqram səhifəsində “Space”də yayımlanacaq proqramlardan birində müğənni Natəvan Həbibinin Ramal İsrafilovla onun arasındakı qalmaqal barəsində danışacağı ilə bağlı xəbəri paylaşıb. Natəvanın onunla müğənni Ramal arasındakı qalmaqala münasibət bildirməsinə qəzəblənən xalq artisti söyüş söyməkdən çəkinməyib. Aygün Kazımovanın işlətdiyi ifadələrin etikadan kənar olduğunu nəzərə alaraq elə müğənninin yazısını olduğu kimi təqdim edirik.

Qeyd edək ki, A.Kazımovanın bu paylaşımı onun fanatları tərəfindən də tənqidlə qarşılanıb.