Adını "Ye" olaraq dəyişən dünyaca məşhur reper Kanye Uestin həyat yoldaşı Bianka Censoriyə sosial şəbəkələrdən istifadəni qadağan edib.

Axşam.az xəbər verir ki, bu barədə "Daily Mail" məlumat yayıb. Bilidirilib ki, 46 yaşlı reperin bu addımına səbəb xanımını mənfi şərhlərdən qorumağa çalışmasıdır.

Nəşrin məlumatına görə, Kanye Biankaya artıq ulduza çevrildiyini və həyatının başqaları üçün sirr olaraq qalmalı olduğuna inandırıb.

Lakin Biankanın yaxınları bu yolla reperin modeli başqalarından təcrid etməyə çalışdığını düşünür. Həmçinin, Kanyenin özünün həyat yoldaşının açıq-saçıq fotolarını sosial şəbəkələrdə yayımlatması bu hərəkəti ilə təzad təşkil etdiyi üçün sual doğurub.