Xəbər verdiyimiz kimi, ötən gün Moskvada “Crocus City Hall” ticarət mərkəzində terror aktı törədilib.

Axşam.az xəbər verir ki, hücum "Piknik" qrupunun konsertinin başlamasından bir neçə dəqiqə əvvəl həyata keçirilib.Qrup üzvləri səhnəyə çıxmağa hazırlaşırmış. Bu haqda Rusiya mediası xəbər yayıb. 

"RedKassa"nın məlumatına görə, sözügedən konsertə bütün biletlər satılıb. Konsertin baş tutacağı zal isə 6200 nəfər üçün nəzərdə tutulub.

Qeyd edək ki, terror aktının törədildiyi ticarət mərkəzinin nəzdindəki “Vegas City Hall”da martın 22-si Xalq artisti Röya Ayxanın da konserti olacaqmış.