Müğənni Hadisə bu yay çimərlik paltarında paparassilərə yaxalanmamaq üçün ölkədən kənarda istirahət edəcək.

Axşam.az Türkiyə mətbuatına istinadən xəbər verir ki, 2012-2013-cü illərdə mediada çimərlik paltarında fotoları yayılan müğənni, anası və iki bacısı ilə birlikdə uzunmüddətli tətilə çıxacaq. Hadisə Meksika, Kuba, Argentina və Braziliyada dincələcək.
 
Bu haqda danışan sənətçi “Bodrum və Çeşmədə çimərlik paltarında şəkillərimin çəkilməyini istəmirəm. Buna görə də, xaricdə dincələcəm. Bu tətil mənə baha başa gələcək” deyib.
 
Xatırladaq ki, müğənni keçən il çimərlik paltarında çəkilmiş şəkillərinə görə çox əsəbləşmişdi.